SJB நாடாளுமன்ற உறுப்பினர் துப்பாக்கியுடன் கைது செய்யப்பட்டார்.

சமகி ஜன பலவேகயவை பிரதிநிதித்துவப்படுத்தும் அம்பலங்கொட பிரதேச சபை உறுப்பினர் ஒருவர் காலி மாவட்ட குற்றப்பிரிவால் கைது செய்யப்பட்டுள்ளார். 

சட்டவிரோதமாக ரிப்பீட்டர் வகை துப்பாக்கியை வைத்திருந்த குற்றச்சாட்டின் பேரில் அவர் கைது செய்யப்பட்டதாக பொலிஸ் ஊடகப் பிரிவு தெரிவித்தது. 

மேலும், அந்தத் துப்பாக்கிக்கு அவரிடம் சட்டப்பூர்வ உரிமம் இல்லை என்றும் பொலிஸ் ஊடகப் பிரிவு கூறியது. 

அந்த உறுப்பினர் துப்பாக்கியை எவ்வாறு பெற்றார் என்பது குறித்தும் விசாரணைகள் தொடங்கப்பட்டுள்ளன. அது ஏதேனும் குற்றச் செயல்களுக்குப் பயன்படுத்தப்பட்டதா என்பது குறித்தும் விசாரணைகள் நடத்தப்பட்டு வருவதாக காலி மாவட்ட குற்றப்பிரிவு மேலும் தெரிவித்தது. 

இது தொடர்பான மேலதிக விசாரணைகள், தென் மாகாணப் பொறுப்பு சிரேஷ்ட பிரதி பொலிஸ் மா அதிபர் கித்சிறி ஜெயலத் மற்றும் காலி மாவட்ட குற்றப்பிரிவின் பணிப்பாளர், உதவி பொலிஸ் கண்காணிப்பாளர் நமல் பெரேரா ஆகியோரின் வழிகாட்டுதலின் கீழ் நடத்தப்பட்டு வருகின்றன.

Sanuri de Silva