காத்தான்குடியி லிருந்து இடமாற்றம் பெற்றுச் செல்லும் பொலிஸ் நிலைய பொறுப்பதிகாரிக்கு பாராளுமன்ற உறுப்பினர் ஹிஸ்புல்லாஹ் வழங்கிய கௌரவப் பிரியாவிடை

காத்தான்குடி பொலிஸ் பொறுப்பதிகாரிக்கு கலாநிதி MLAM. ஹிஸ்புல்லாஹ் வழங்கிய கௌரவப் பிரியாவிடை மற்றும் பாராட்டு..!

​காத்தான்குடி பொலிஸ் நிலையத்தின் பொறுப்பதிகாரியாக (OIC) அர்ப்பணிப்புடன் பணியாற்றி, தற்போது லிந்துல பொலிஸ் நிலையத்திற்கு இடமாற்றம் பெற்றுச் செல்லும் R.M.I. ரத்நாயக்க நேற்று (3) பாராளுமன்ற உறுப்பினர் கலாநிதி எம்.எல்.ஏ.எம். ஹிஸ்புல்லாஹ் அவர்களை மரியாதை நிமித்தம் சந்தித்து விடை பெற்றார்.

​இதன்போது, பாராளுமன்ற உறுப்பினர் கலாநிதி ஹிஸ்புல்லாஹ், OIC ரத்நாயக்க அவர்களின் கடந்த கால சேவைகளைப் பாராட்டினார்.

குறிப்பாக, ​நேர்மை மற்றும் அர்ப்பணிப்புடன் காத்தான்குடி பொலிஸ் நிலையத்தில் அவர் ஆற்றிய உன்னத பணி மற்றும் முக்கிய சவால்களில் ஒன்றான போதைப் பொருள் ஒழிப்பு போன்ற சமூக நலன் சார்ந்த செயற்திட்டங்களில் அவர் காட்டிய சிறப்பான செயற்பாடு ​ஆகியவற்றுக்காக தனது நன்றியையும் பாராட்டுக்களையும் தெரிவித்தார்.

​காத்தான்குடி மக்களின் பாதுகாப்பு மற்றும் சமூக அமைதிக்காக ஆற்றிய பங்களிப்பு மறக்க முடியாதது என்றும், அவரது இடமாற்றம் குறித்த மக்களின் நன்மதிப்பையும் அவர் இச்சந்தர்ப்பத்தில் எடுத்துரைத்தார்.

​மேலும், பொலிஸ் நிலைய பொறுப்பதிகாரி R.M.I. ரத்நாயக்க அவர்களுக்கு அவரது புதிய பணியிடமான லிந்துலவில் சிறப்பானதொரு எதிர்காலம் அமைய தனது பிரியாவிடை வாழ்த்துக்களைப் பகிர்ந்தளித்தார்.

​நேர்மையான அதிகாரிக்கு வழங்கப்பட்ட இந்த கௌரவமான பிரியாவிடை, பொலிஸ் மற்றும் மக்கள் பிரதிநிதிகளுக்கு இடையிலான நல்லுறவை மேலும் வலுப்படுத்துவதாக அமைந்தது.

​-- ஊடகப்பிரிவு-