விமல் வீரவன்சவின் சகோதரர் விளக்கமறியலில் வைக்கப்பட்டார்.

முன்னாள் அமைச்சர் விமல் வீரவன்சவின் சகோதரர் சரத் வீரவன்ச, நிதிக்குற்றப் புலனாய்வுப் பிரிவால் (FCID) கைது செய்யப்பட்டு நீதிமன்றத்தில் ஆஜர்படுத்தப்பட்டதைத் தொடர்ந்து, 22ஆம் தேதி வரை விளக்கமறியலில் வைக்கப்பட்டுள்ளார்.

அரசாங்க வாகனங்களைத் தவறாகப் பயன்படுத்தியதாக எழுந்த குற்றச்சாட்டு தொடர்பாக சட்டமா அதிபரின் அறிவுறுத்தல்களின் பேரில் இந்தக் கைது நடவடிக்கை மேற்கொள்ளப்பட்டதாகக் கூறப்படுகிறது.

அதன்படி,  (15) கம்பஹா பகுதியில் நிதிக்குற்றப் புலனாய்வுப் பிரிவின் அதிகாரிகளால் நடத்தப்பட்ட ஓர் நடவடிக்கையில் அவர் கைது செய்யப்பட்டார். 

பின்னர் சந்தேக நபர் கொழும்பு கோட்டை நீதவான் நீதிமன்றத்தில் ஆஜர்படுத்தப்பட்டார். 

நீதிமன்றம் அவரை 22ஆம் தேதி வரை விளக்கமறியலில் வைக்குமாறு உத்தரவிட்டது. 

இச்சம்பவம் தொடர்பாக நிதிக்குற்றப் புலனாய்வுப் பிரிவு மேற்கொண்டு விசாரணை நடத்தி வருகிறது.

(சிதாரா கொடிதுவக்கு)