தாய்நாட்டிற்குப் பெருமை சேர்த்த ஆசியப் பாரா விளையாட்டுப் பதக்க வீர வீராங்கனைகள் இலங்கை திரும்பினர்

ஆசியப் பாரா விளையாட்டுப் போட்டிகளில் பதக்கங்களை வென்ற வீர வீராங்கனைகளுக்கு மகத்தான வரவேற்பு.

தாம் எதிர்கொண்ட அனைத்து சவால்களையும் வெற்றிகரமாகக் கடந்து, இலங்கைத் தாய்நாட்டிற்குச் சர்வதேசப் புகழையும் பெருமையையும் தேடித்தந்த ஆசியப் பாரா விளையாட்டுப் போட்டிகளில் பதக்கங்களை வென்ற இலங்கை வீர வீராங்கனைகள் நேற்று (26) நாடு திரும்பினர்.

அவர்கள் பெற்ற வெற்றிகள் வெறுமனே சில பதக்கங்களுடன் மட்டுப்படுத்தப்படுபவை அல்ல. அவை அளவற்ற மனவலிமை, தளராத மனஉறுதி, அர்ப்பணிப்பு மற்றும் எந்தவொரு சவாலும் தமது கனவுகளைத் தோற்கடிக்க அனுமதிக்காத மனித ஆற்றலின் அடையாளங்களாகும்.

இவ்வாறு தாய்நாட்டிற்குப் பெருமையையும் கௌரவத்தையும் தேடித்தந்த பெருமைமிகு வீர வீராங்கனைகளை வரவேற்பதற்காக, விளையாட்டு அபிவிருத்தித் திணைக்களம் மற்றும் இளைஞர் விவகாரங்கள் மற்றும் விளையாட்டுத்துறை அமைச்சின் அதிகாரிகள் விமான நிலையத்திற்குச் சென்றிருந்தனர்.

வாழ்க்கையில் பல்வேறு சவால்களை எதிர்கொண்ட போதிலும், தமது விளையாட்டுக் கனவிற்காகத் தொடர்ச்சியாகப் போராடி, சர்வதேச விளையாட்டரங்கில் இலங்கைக் கொடியை உயரப் பறக்கச் செய்வதில் அவர்கள் வெற்றிபெற்றுள்ளனர்.

ஒவ்வொரு பதக்கத்தின் பின்னாலும் நீண்டகாலப் பயிற்சிகளின் களைப்பு, வலிகளைத் தாங்கிக்கொண்ட தருணங்கள், பல்வேறு சிரமங்களுக்கு மத்தியிலும் கைவிடாது முன்னோக்கிச் சென்ற பயணம் மற்றும் வெற்றியின் மீதான தளராத நம்பிக்கை ஆகியவை பொதிந்துள்ளன. 

அதேவேளை, அவர்களின் வெற்றிக்குப் பின்னால் நின்ற பயிற்றுவிப்பாளர்கள், குடும்ப உறுப்பினர்கள் மற்றும் ஆதரவளித்த அனைவரினதும் அர்ப்பணிப்பும் இந்தச் சாதனைகளுக்குப் பெரும் வலுச்சேர்த்துள்ளது.

உடல் ரீதியான வரையறைகள் கனவுகளுக்கு எல்லைகளை விதிப்பதில்லை என்பதையும், உரிய வாய்ப்புகளும் தேவையான ஆதரவும் கிடைக்கும்போது எந்தவொரு சவாலையும் வெற்றிகொள்ள முடியும் என்பதையும் இந்த வீர வீராங்கனைகள் ஒட்டுமொத்த நாட்டிற்கும் எடுத்துக்காட்டியுள்ளனர்.

தாய்நாட்டிற்குப் பெருமை சேர்த்த இந்த வீர வீராங்கனைகளுக்கு எமது இதயபூர்வமான வாழ்த்துகளையும், அன்பையும், உயரிய கௌரவத்தையும் தெரிவித்துக்கொள்கின்றோம்.