கொரோனா எனும் கிருமி கொண்டு போனதோ உயிரை மரணம் வந்து மடியில் தின்று போனதோ இப்பயிரை

கொரோனாவினால்  மரணித்து

இன்று நல்லடக்கம் செய்யப்பட்ட

மர்ஹூம் கலீல் ஹாஜியாருக்காக

எழுதப்பட்டது . ( 05. 03 .2021 )

கொரோனா எனும் கிருமி

கொண்டு போனதோ உயிரை

மரணம் வந்து மடியில்

தின்று போனதோ இப்பயிரை

 

###

ஏழைகள்  துன்பம் துடைத்தீர்

ஏதேனும்  உதவிடத்  துடித்தீர்

காலையும்  மாலையும்  ஓடி

கொண்டு வந்தீர் உதவி தேடி.

###

மரணத்தில்  பலபேர் அழுகின்றார்.

மன்றாடி  தொழுதபின்  விழுகின்றார்.

சுவனத்தை  தரவேண்டும் கையேந்தி

துயரில்  கலக்கிறார்  மெய் ஏந்தி.

###

விளம்பரம்  இல்லா  சேவகனே

வெளிச்சம்  காட்டா  ஊர் மகனே

துலாம்பரமாகத்  தெரிகிறது

தூய  உம் பணி  மறைவின் பின் 

###

தீயும்  உம்மை  தீண்டவில்லை - அந்த

தீய சொல் காதை  தாண்டவில்லை.

ஈயும்  உனது  குணமறிந்து - அன்பின்

இறைவன்  அளித்தான் நற்பாக்கியத்தை.

###

நல்லடக்கம்  இன்று  நடக்கிறது

நலமாய்  மறுமை  அமையட்டும்

வல்லவன்  அல்லாஹ்  சுவனத்தை

வழங்கவே  மனதால் பிரார்த்திப்போம்.

கவிஞர்.ஏரூர் கே.நெளஷாத்