போயா மற்றும் ஏனைய விடுமுறை தினங்கள் உட்பட வாரத்தில் ஏழு நாட்களும் வருடத்தில் 365 நாட்களும் மட்டக்களப்பு லங்கா சதோச மெகா சுப்பர்மார்க்கட் -MEGA Supermarket- திறப்பு

(பழுலுல்லாஹ் பர்ஹான்)

பொது மக்களின்  நலனை கருத்தில் கொண்டு அவர்களின் அத்தியாவசிய தேவைகளை பூரத்தி செய்யும் நோக்கில் அரசாங்கத்தின் கட்டுபாட்டு விலைக்கமைய  போயா மற்றும் ஏனைய விடுமுறை தினங்கள் உட்பட வாரத்தில் ஏழு நாட்களும் வருடத்தில் 365 நாட்களுமாக மட்டக்களப்பு லங்கா சதோச மெகா சுப்பர்மார்க்கட்-MEGA Supermarket-  திறக்கப்பட்டு வருவதாக மட்டக்களப்பு லங்கா சதோச மெகா சுப்பர்மார்க்கட்டின் முகாமையாளர் எம்.ஜே.எம்.ஜனூஸ் தெரிவித்தார்.

மேற்படி விடயம் தொடர்பில் அவர் மேலும் தெரிவிக்கையில் வாரத்தில் திங்கள்,செய்வாய்,புதன்,வியாழன்,வெள்ளி, சனி,ஞாயிறு ஆகிய ஏழு நாட்களிலும் காலை 08.மணி தொடக்கம் இரவு 08.மணி வரையும் போயா நாட்களில் மாத்திரம் காலை 09.மணி தொடக்கம் மாலை 06 .மணி வரையும், விஷேடமாக தேர்தல் தினங்களில் மாத்திரம் காலை 08.மணி தொடக்கம் மாலை 05.மணி வரையும் முறையாக திறக்கப்படுமெனவும் அவர் தெரிவித்தார்.

இங்கு பொது மக்களுக்கு தேவையான அத்தியாவசிய,பலசரக்கு பொருட்கள் கொள்வனவு உட்பட தொலைத்தொடர்புப் பட்டியல் கொடுப்பணவு,மின்சார மற்றும் நீர் கட்டணப் பட்டிகளை செலுத்த முடியும் என்பது குறிப்பிடத்தக்கது.