ஸ்ரீ லங்கா முஸ்லிம் மீடியா போரத்தின் புதிய தலைவருக்கு இலங்கை ஜமாத்தே இஸ்லாமி கௌரவிப்பு

(எம்.ரீ.எம்.பாரிஸ்)

ஸ்ரீ லங்கா முஸ்லிம் மீடியா போரத்தின் புதிய தலைவராக அண்மையில் தெரிவு செய்யப்பட்ட சிரேஷ்ட ஊடகவியலாளரும் விடிவெள்ளி பத்திரிகையின் பிரதம ஆசிரியருமான எம்.பீ.எம்.பைறூஸ் அவர்களுக்கு இலங்கை ஜமாத்தே இஸ்லாமியாவின் ஏற்பாட்டில் கௌரவிப்பு நிகழ்வு  (20) திங்கட்கிழமை மாலை 4.00 மணிக்கு பாசிக்குடாவில் அமைந்துள்ள தனியார் விடுதி மண்டபத்தில் வைபவ ரீதியில் இடம் பெற்றது.

இலங்கை ஜமாத்தே இஸ்லாமியாவின் மட்டக்களப்பு மாவட்ட பிராந்திய தலைவர் ஏ.எல்.ஏ.சிப்லி தலைமையில் இடம்பெற்ற இந்நிகழ்வில், பிரதம விருந்தினராக ஸ்ரீ லங்கா முஸ்லிம் மீடியா போரத்தின் தலைவரும் சிரேஷ்ட ஊடகவியலாளருமான எம்.பீ.எம்.பைறூஸ் கலந்து கொண்டு கௌரவங்களைப் பெற்றுக்கொண்டார்.

இந்நிகழ்வில் இலங்கை ஜமாத்தே இஸ்லாமியின் சிரேஷ்ட உறுப்பினர்கள், மட்டக்களப்பு மாவட்ட அங்கத்தவர்கள், ஊடகவியலாளர்கள் உள்ளிட்ட பலரும் கலந்து கொண்டனர்.