முழுமையான காணொலிப் பதிவை வழங்குமாறு கோரியது இலங்கை சட்டத்தரிகள் சங்கம்.

இலங்கை சட்டத்தரிகள் சங்கம் (BASL), 12ஆம் தேதி சட்டத்தரிகள் சங்கத்துடனும் ஜனாதிபதியுடனும் நடைபெற்ற கலந்துரையாடலின் முழுமையான காணொலிப் பதிவை வழங்குமாறு கோரி நேற்று (14) ஒரு கடிதத்தை அனுப்பியுள்ளது. 

இக்கடிதம், சட்டத்தரிகள் சங்கத்தின் நிர்வாக செயலாளர் திருமதி சுரணி அமரசேகர அவர்களின் கையொப்பத்துடன் ஜனாதிபதி அலுவலகத்திற்கு அனுப்பப்பட்டுள்ளது. 

சட்டத்தரிகள் சங்கத்துடனும் ஜனாதிபதியுடனும் நடைபெற்ற கலந்துரையாடலின் ஆரம்பப் பகுதியின் ஒரு சிறு பகுதி மட்டுமே இதுவரை கிடைத்துள்ளதாகவும், சில பகுதிகளில் ஒலி தெளிவாக இல்லை என்றும் அக்கடிதத்தில் குறிப்பிடப்பட்டுள்ளது. 

அதன்படி, சம்பந்தப்பட்ட கலந்துரையாடல் முழுவதும் நடைபெற்ற அனைத்துத் தலையீடுகள், அவதானிப்புகள் மற்றும் பதில்கள், அத்துடன் சட்டத்தரிகள் சங்கப் பிரதிநிதிகளின் இறுதிக் கருத்துகள் உள்ளிட்ட முழுமையான, திருத்தப்படாத காணொலிப் பதிவை வழங்குமாறு சங்கம் அக்கடிதத்தில் கோரியுள்ளது. 

மேலும், மிக உயர்ந்த ஒலி மற்றும் காட்சித் தரம் கொண்ட காணொலி வழங்கப்பட வேண்டும் என்றும் அக்கடிதத்தில் மேலும் கூறப்பட்டுள்ளது.