எகிப்தில் நடைபெற்ற 11ஆவது சர்வதேச ஃபத்வா மாநாட்டிலும் அதன் நிகழ்வுகளிலும் இலங்கைத் தூதுக்குழுவினர் கலந்துகொண்டனர்!

அகில இலங்கை ஜம்இய்யத்துல் உலமாவின் கௌரவத் தலைவர் முஃப்தி M.I.M. ரிஸ்வி மற்றும் உப பொருளாளர் அஷ்-ஷைக் கலாநிதி A.A. அஹ்மத் அஸ்வர் ஆகியோர் எகிப்து தலைநகர் கெய்ரோவில் நடைபெற்ற 11ஆவது 'தாருல் இஃப்தா' சர்வதேச மாநாட்டில் பங்கேற்றனர்.

'உலகளாவிய மாற்றங்களுக்கு மத்தியில் குடும்பச் சவால்கள்' எனும் தொனிப்பொருளில் செப்டம்பர் 2 மற்றும் 3ஆம் திகதிகளில் இம்மாநாடு வெற்றிகரமாக நடைபெற்றது.

எகிப்தில் முதுகலை (MA) மற்றும் முனைவர் (PhD) பட்டப்படிப்புகளைத் தொடரும் இலங்கை மாணவர்களும் இந்நிகழ்வில் ஆர்வத்துடன் கலந்து சிறப்பித்தனர்.