காத்தான்குடி நகர சபையின் வேலைத் தளப் பொறுப்பாளர் மற்றும் சுகாதாரப் பணியாளர்களின் சிறப்பான சேவை

நிலவிய அசாதாரண வானிலை காரணமாக பெருக்கெடுத்த வாவியினால் காத்தான்குடி ஊர்ப்பகுதிக்குள் வந்திருந்த ஆற்றுவாழை உள்ளிட்ட கழிவுகள் மற்றும் வெள்ளம் வடிந்த பிற்பாடு வீடுகளில் சேர்ந்த கழிவுகள் அனைத்தும் காத்தான்குடி நகர சபையினால் அகற்றப்பட்டதுடன் முறிந்து விழுந்த மரங்களும் அப்புறப்படுத்தப்பட்டன.

அந்த வகையில் ஹிஜ்ரா லேன், மாம்புள்ளியார் லேன், சாஹுல் ஹமீத் ஹாஜியார் லேன், மரைக்கார் லேன், ஆயிஷா பள்ளி லேன், டாக்டர் ரஹ்மான் வீதி, அல் ஹிறா பாடசாலை ஒழுங்கை, வாவிக்கரை வீதி, ஓடக்கரை வீதி, இமாம் கொமைனி வீதி, நூர் முகம்மது வீதி, கப்பல் ஆலிம் லேன் என்பன சுத்தப்படுத்தப்பட்டு மக்களின் அன்றாட போக்குவரத்துக்கு ஏற்பட்டிருந்த இடையூறுகள் நீக்கப்பட்டன.

இப்பணிகளில் ஈடுபட்ட காத்தான்குடி நகர சபையின் வேலைத் தளப் பொறுப்பாளர் மற்றும் சுகாதாரப் பணியாளர்கள் அனைவரும் பாராட்டப்படுகின்றனர்.