கொழும்பு தேசிய கண் வைத்தியசாலையில் பத்திரிகையாளர்களுக்கான விசேட கண் சிகிச்சை மைய நிகழ்வு .

இலங்கை பத்திரிகையாளர்களுக்காக  சுகாதார மேம்பாட்டு திட்டத்துடன் இணைந்து, பத்திரிகையாளர்களுக்கான விசேட கண் சிகிச்சை மையம் (1  கொழும்பு தேசிய கண் வைத்தியசாலையில் சுகாதார மற்றும் வெகுஜன ஊடக அமைச்சின் செயலாளர், டாக்டர் அனில் ஜாசிங்கவின் தலைமையில் நடைபெற்றது.

இந்நாட்டில் வாழும் மக்களின் ஆரோக்கியத்தை மேம்படுத்துவதில் ஊடகங்கள் பெரும் பங்கு வகிப்பதால், சுகாதார மேம்பாட்டில் ஊடகங்களின் முக்கியத்துவத்தை  கருத்தில் கொண்டு பத்திரிகையாளர்களுக்காக சுகாதார மற்றும் வெகுஜன ஊடக அமைச்சர் டாக்டர் நளிந்த ஜயதிஸ்ஸவின் சிந்தனையின் வெளிப்பாடாக "மூன்றாம் கண்ணுக்கு ஆரோக்கியத்தை கொண்டு வருவோம்" சுகாதார மேம்பாட்டு திட்டம் தொடங்கப்பட்டது.

இந்த "மூன்றாம் கண்ணுக்கு ஆரோக்கியத்தை கொண்டு வருவோம்" திட்டத்தின் முதன்மை நோக்கங்களாக நாடு முழுவதும் பத்திரிகைத் துறையில் ஈடுபட்டுள்ள அனைத்து பத்திரிகையாளர்களின் தற்போதைய சுகாதார நிலைமைகளை ஆராய்ந்து சிகிச்சை அளித்தல், மேலதிக சிகிச்சை தேவைப்படும் பத்திரிகையாளர்களை மருத்துவமனைகளுக்கு பரிந்துரைத்தல், மருத்துவ ஆலோசனை மற்றும் சிகிச்சை வழங்குதல் ஆகும்.

தற்போதைய அரசாங்கத்தின் ஆரோக்கியமான நாட்டிற்கான திட்டத்திற்கு இணங்க, நாடு முழுவதும் செயல்படுத்தப்படும் நடமாடும் சுகாதார சேவை திட்டத்திற்கு இணையாக செயல்படுத்தப்படும் மற்றொரு திட்டமாக இந்த திட்டம் அறிமுகப்படுத்தப்படுகிறது.

கண் சிகிச்சை நிபுணர்கள் சங்கத்தின் விசேட பங்களிப்புடன், ஏராளமான பத்திரிகையாளர்கள் தங்கள் கண்களைப் பரிசோதிக்க இந்த விசேட மருத்துவ முகாமில்  இணைந்தனர், மேலும் அனைத்து தொழில்களையும் பிரதிநிதித்துவப்படுத்தும் நிபுணர்கள் மற்றும் சுகாதார நிபுணர்கள் இந்த நிகழ்வில் பஙகேற்றனர்.

தேசிய கண் மருத்துவமனையின் இயக்குநர், துணை இயக்குநர், நிபுணர்கள், மருத்துவர்கள், செவிலியர்கள் மற்றும் பத்திரிகையாளர்கள் இந்த நிகழ்வில் கலந்து கொண்டனர்.